İnsan Xarakterləri.Com | Xarakter, Şəxsiyyət, Xarakter xüsusiyyətləri, İnsan xarakteri

İnsanların eqoistliyi ən çox mala və cana olan bağlılıqları ilə üzə çıxır. Gözəl və yaxşı olan hər şeyi yalnız özləri istifadə etmək istəyirlər. Məsələn, kimsə əşyalarından istifadə etmək istəyəndə vermək istəmədikləri üçün yalan danışa bilirlər. Mala olan bağlılıqları bütün həyatları boyu üzə çıxır. Gözəl bir yeməyin özlərinə qalmasını istəyirlər. Bunu başqaları ilə paylaşmamaq üçün tək olanda, ya da evdə heç kim olmayanda yeyirlər. Paylaşmaq məcburiyyətində olanda isə yeməyin ən gözəl hissəsini özlərinə saxlayıb digərlərinə qalan qismini təqdim edirlər. Eyni ilə, ediləsi çətin iş olanda da müxtəlif bəhanələrlə bundan qaçaraq başqalarının bunu öz boynuna götürməsinə çalışırlar. Öz canları hamınınkindən şirindir. Buna görə də, özləri boş, başqaları isə çox yorğun və ya məşğul olsalar belə bəhanələrlə aradan çıxırlar.

Nəfsindəki eqoizmi təmizləməyən insan ən bəsit hərəkəti belə edə bilər. Yəni həmişə öz istəklərinin reallaşmasını istəyir və ya son sözü özünün söyləməyini sevir. Məsələn, çox insanın olduğu yerdə öz bəyəndiyi musiqinin dinlənilməsini və ya televiziya kanalının seyr edilməsini istəyir. Başqalarının istəklərinə isə məhəl qoymur. İşlər bölüşdürülərsə ən asan olanı seçib, çətini isə başqalarına buraxır. Yorucu olan və ya fədakarlıq tələb edən işlərə girişmirlər. Halbuki, çox kiçik mənfəətlər əldə etmək üçün edilən bu rəftarlar insanın nə qədər səmimiyyətsiz olduğunu göstərir. Səmimiyyətsizlik isə insanın rahat yaşamağına imkan vermir.Yalnız öz mənfəətlərini güdən bir insan həmişə gizlincə ətrafındakı insanları aldatmaqla məşğul olur. Demək olar ki, həyatı boyu da bu gizli səmimiyyətsizliyinin ortaya çıxması qorxusu ilə yaşayır. Saleh müsəlmanların isə heç vaxt belə qorxuları olmur. Quranda səmimi müsəlmanların Allah'ın razılığını qazanmaq üçün canlarını və mallarını ortaya qoyduqları, heç bir qarşılıq gözləmədən yaxşılıq etdikləri, digər qardaşlarının ehtiyaclarını özlərininkindən üstün tutduqları bildirilir:

“Onlar özlərinin istədikləri şeylərdən kasıba, yetimə və əsirə də verərlər (və deyərlər): "Biz sizi yalnız Allah’ın Üzü xatirinə yedirdirik və sizdən nə əvəzini, nə də minnətdarlıq gözləmirik! ...” (İnsan surəsi, 8-11)

Fədakar əxlaqlarına görə Allah müsəlmanlara bir nur bəxş edir. Əks təqdirdə isə, yəni eqoist davranışlarına görə Allah insanlara gizli əzab yaşadır. Eqoist davranışlarla digərlərinə tələ qurduqlarını və özlərinin ağıllı olduqlarını zənn edən bu insanlar, əslində tələyə özləri düşürlər. Bu, Quranda bildirilən sirlərdən biridir. Fədakar insan bu əxlaqına görə daha çox yorulan, malını-mülkünü verən, pulunu xərcləyən və öz istəklərindən keçən kimi görünsə də, vicdanən ən rahat, ən xoşbəxt, ən gözəl yaşayan da odur.

“Əgər Allah sənə bir zərər toxundursa (sıxıntı versə), onu Özündən başqa (səndən) heç kəs sovuşdura bilməz. Əgər Allah sənə bir xeyir diləsə, heç kəs Onun nemətini (lütfünü) geri qaytara bilməz. Allah onu bəndələrindən istədiyinə nəsib edər. O, bağışlayandır, rəhm edəndir.” (Yunus Surəsi, 107)

Adnan Oktar | Tv izlə | İmani saytlar | Fosil | Təkamülçülərə cavab | Quran